كثرت الحوادث وطرق الموت مفزعة!! ضحية نادي التجديف تثير الجدل وشقيقها يطالب بحقها “كانت بتدافع عن شغلها”
وقع في نادي التجديف حادث مفزع ـ مقره طلخا بمحافظة الدقهلية ـ حيث شهد جريمة بشعة راحت إثرها العاملة “نوال خفاجي” والتي تبلغ من العمر 49 سنة، وفيما يلي نروي تفاصيل الحادث وآخر التطورات وتعليق شقيقها.
تفاصيل حادث مصرع عاملة نادي التجديف وتعليق شقيقها
تلقت العاملة عدة طعنات على يد شاب كان يحاول دخول النادي دون امتلاك بطاقة عضوية بدعوى جمع بواقي الأكل لإطعام القطط، وتلقت الطعنات في البطن والصدر أدت إلى وفاتها وسط ذهول العاملين حولها في النادي.
وروى شقيها بعض التفاصيل المؤلمة قائلًا: “أختي ماتت وهي بتدافع عن أكل عيالها.. كانت نازلة تدور على لقمة حلال، رجعت جثة”.
وأضاف: “جوزها مات من 4 سنين، وقعدت تشقى وتشتغل أي حاجة عشان تصرف على عيالها.. كانت بتروح شغلها في النادي وترجع، مالهاش علاقة بحد”.
استمر قائلًا: “الناس كلها كانت بتحبها، محترمة، لا ليها مشاكل ولا خصومة مع حد، عمرنا ما سمعنا إنها زعلت حد”.
وأكمل: “يوم الحادث اتصلوا بيا قالولي نوال اتعورت جريت لما وصلت كانت جثة” مضيفًا: “أنا مش مستوعب اللي حصل، ولادها كانوا متعلقين بيها جدًا، ومالهمش غيرها احنا عايزين حقها، وحقنا، واللي عمل كده يتعدم”.
وطالب في النهايةبحقها قائلًا: “الراجل دا حتى لو مريض نفسي، لازم يتحط في مكان ميطلعش منه تاني.. أختي كانت بتعيش بالحلال وماتت مظلومة.. ومش هنسيب حقها”.
