نادر السيد يودع الراحل محمد صبري: كان بيحب الخير لكل أصحابه - الأول نيوز

وجه نادر السيد، حارس مرمى الزمالك السابق، رسالة مؤثرة إلى محمد صبري نجم القلعة البيضاء الراحل، الذي غيبه الموت أمس، إثر حادث سير، إذ فارق الحياة عن عمر ناهز 51 عاما.

نادر السيد يوجه رسالة مؤثرة إلى الراحل محمد صبري

وكتب نادر السيد عبر حسابه على «فيس بوك»: «محمد صبري كان بيحب الخير لكل أصحابه اللي بدأ معاهم حياته وبيفرح بيهم ويفرح ليهم، وأنا واحد منهم، بدأنا مع بعض كنا قاعدين في شقه في العجوزة النادي اختارها لينا، أنا كنت جاي من دكرنس وهو جاي من بلبيس، وغيرنا من زمايلنا، كنا 10 عشنا مع بعض تفاصيل الحياة، واحنا مع بعض كل يوم كل واحد بيدفع 50 قرشا الصبح علشان نجيب فطار بـ5 جنيهات فول وطعمية وبتنجان والخناقة مين هينزل ومش هيدفع ومين هيجيب الوجبات بتاعتنا من النادي».

واختتم نادر السيد: «كنا بنفطر مع بعض ونتغدى مع بعض في النادي وناخد وجبة العشا علشان ناكل مع بعض في الشقة، كنا عيلة وبعدين نقلنا مع بعض في سكن اللاعيبة في النادي، كنا عايشين نفس الحياة الحلوة بتفاصيلها، حتى لما كبرنا ونقلنا وبدأنا ناخد شقة لوحدنا كان جاري، وأد إيه كان بيتكلم بإلحاح رهيب إني أكون موجود على قناة الزمالك، ويقولي ده مكانك وحقك، وأنا بكون مبسوط بوجودك معايا.. كان جميل الله يرحمه».