شيكابالا يهاجم السولية بعد مباراة مصر والكويت في كأس العرب - الأول نيوز

هاجم محمود عبدالرزاق شيكابالا نجم الزمالك السابق، عمرو السولية نجم منتخب مصر الثاني بعد إهداره ركلة جزاء مواجهة الكويت في بطولة كأس العرب.

شيكابالا يهاجم السولية

قال شيكابالا في تصريحات تليفزيونية:«ضيعنا فرصة كبيرة جدا وكنا نستحق المكسب، محمد شريف عنده مشكلة في الفينيش، كان ممكن يسجل هدف واتنين والماتش يخلص من بدرى جدا».

وتابع:«بمناسبة توقعى قبل المباراة بأن السولية هيضيع، أنا شخصيًا مش بحب حد يمسك الكورة عشان يشوط وحد ياخدها منه، ودا اللى عمله السولية، محمد الننى كان عايز يشوط هو».

جهاز منتخب مصر يختار أفشة

وتابع: «السولية أخد الكرة منه، وأنا مش بحب الحاجات دى، خلاص حد عايز يشوط سيبه، وبمناسبة ضربة الجزاء التانية هو كان متقدم بس الجهاز الفنى قال أفشة يبقى خلاص أفشة».

وأتم :«السولية كان عايز يشوطها عشان يعوض بس في الوقت دا مينفعش كان لازم يكون حد فريش لسا نازل زى أفشة أو مروان حمدى وأنا كنت بفضل مروان.